સુજ્ઞ સમાજના મિત્રો

૨૨ ગામ પાટીદાર સમાજના તમામ મહાનુભાવો અને સમાજમાં રહેતા તમામ જનપ્રતિનીધીઓને મારા સહર્ષ નમસ્કાર

મિત્રો "સમાજ શક્તિ કલૈયુંગે” ના વિશાળ અર્થ. દ્વારા ૨૨ ગામ પાટીદાર સમાજના તમામ પાટીદારોને એકે તાંતણે જોડી એકે ઘટાદાર વટવૃક્ષ કરવા જઈ રહ્યા છીએ ત્યારે ભૂતપૂર્વ હોદ્દેદારો અને નવનિયુક્ત હોદ્દેદારોને આવકારતાં હર્ષ અને ગૌરવની લાગણી અનુભાવું છું. આપ સૌ જાણો છો કે સમાજને શક્તિશાળી બનાવવા શિક્ષણ જરૂરી છે . સાચા શિક્ષણ થકી સ્વસ્થ સમાજનુ નિર્માણ કરવું એ આપણી પવિત્ર ફરજ છે. હું સમાજના બાળકો શિક્ષણ ક્ષેત્રે આગળ વધે. ઘર, ગામ અને સમાજનું નામ રોશન કરે એવી હર હંમેશા પ્રાર્થના અને પ્રયત્ન કરીશ.
૨૨ ગામ પાટીદાર સમાજના ત્રણેય પાંખોના સહિયારા પ્રયત્નથી વિદ્યાર્થીઓના ઇનમની રકમમાં વધારો કર્યો. ધોરણ : 6 થી 12 ના વિદ્યાર્થીઓ માટે નિ:શુલ્ક ચોપડા વિતરણની વ્યવસ્થા કરી અને હવે સમાજની Website આપ સમક્ષ રજૂ કરતા આનંદની લાગણી અનુભવું છું.
૨૨ ગામ પાટીદાર સમાજની વિકાસયાત્રા નિરંતર અને સુચારું વધતી રહે એજ અંતરતમ શુભેચ્છા સહ.

આપ નોજ.

ઘનશ્યામભાઈ રમેશભાઇ પટેલ ( પાડગોલ )
પ્રમુખશ્રી બાવીસ ગામ સમાજ પાટીદાર કેળવણી મંડળ.

સમાજે અમારામાં વિશ્વાસ મૂકી બાવીસ ગામ પાટીદાર સમસ્ત પંચના વર્તમાન પ્રમુખ તરીકે મારી તથા અમારી કારોબારીની રચના કરી તે બદલ હું ધન્યતા અનુભવું છું. અને સમાજના સર્વે ભાઇબહેનોનો આભાર માનું છું.

૧૮૭૬ થી બાવીસ ગામ પાટીદાર સમસ્ત પંચના જે તે સમયના પ્રમુશ્રીઓ અને હોદ્દેદારોએ સમાજમાં ઘર કરી ગયેલા લગ્ન અને મરણ પ્રસંગના કુરિવાજો નાબૂદ કરવાના ભગીરથ પ્રયત્નો કર્યા છે. આપણી વર્તમાન કારોબારીએ પણ આ બાબતમાં નમ્ર પ્રયાસ કર્યો છે. જેને મહદ્ અંશે સફળતા પ્રાપ્ત થઇ છે. સામાજિક સુધારણામાં હજુ વધુ સફળતા પ્રાપ્ત કરવામાં આપ સૌના સહકારની અપેક્ષા છે. આવો, સૌ સાથે મળી કુરિવાજો નાબૂદીના આ ભગીરથ કાર્યમાં યત્ કિંચિત ફાળો આપવા પ્રયત્નશીલ બનીએ. સમાજના અન્ય બે ઘટક પૈકી બાવીસ ગામ પાટીદાર કેળવણી મંડળે સારાં પરિણામો પ્રાપ્ત કરનાર વિદ્યાર્થીઓને ઇનામો અને સ્કોલરશિપ આપી પ્રોત્સાહિત કરે છે. આમ કેળવણી મંડળ ઘણુંજ પ્રશંસનીય કામ કરે છે.

વરકન્યાના મા-બાપને લગ્નમાં વધુ પડતો આર્થિક ખર્ચ ન કરવો પડે અને સામાજિક અને આર્થિક સંતુલન જળવાય તે હેતુસર સમાજના અન્ય ઘટક બાવીસ ગામ પાટીદાર સેવા સમાજ દર વર્ષે સમૂહલગ્ન યોજે છે જે સેવાનું અનોખું ઉદાહરણ છે.

સમાજ હવે પ્રગતિના પંથે છે. સમાજ સૌના સહકારથી આગેકદમ કરી રહ્યો છે. આપ સૌ સેવાકાર્યમાં જે સહકાર આપો છે તેનાથી પણવધુ સહકાર આપ સામાજિક આર્થિક અને શૈક્ષણિક વિકાસના કાર્યને વધુ વેગવંતુ બનાવવામાં મદદરૂપ થશો એ જ અભ્યર્થના